Garbigailuak
Itzuli Garbiketa SOLUZIO BAT BEZERO BAKOITZARENTZAT
Fagor Industrial-en aukera-sorta zabala eskainiz egokitzen gara erabiltzaile bakoitzaren beharrizanetara. Kontrol berriak eboluzio handia ekarri du, besteak beste, efizientzian, moldaerraztasunean eta konektagarritasunean oinarritutako prestazio ugari dituelako.
Gure garbigailu industrialek (abiadura baxu, ertain eta altukoak) merkatuko G faktorerik altuena dute, eta horrek hondar-hezetasun minimoa bermatzen du, baita lehorketa-zikloko energia-kostuak murriztea ere.
Bereziki diseinatuta daude prozesuaren kalitatea eta ura eta energia aurreztea lehentasuntzat jotzen dituzten garbitegietarako. Zentrifugazio-abiadura altuko garbigailu berriek bezerorik zorrotzenen beharrizanak estaltzeko errendimendu optimoa eta estilo berria dakarte.
Zentrifugazio-abiadura altuko garbigailu mota hauetan, (G faktorea: 350 eta 450 bitartean), izugarri murrizten da garbiketa-prozesu ostean geratzen den hondar-hezetasuna, eta horrek ondoko prozesuetan asko aurrezteko aukera ematen du, esaterako, lehortze- eta lisatze-prozesuetan.
Makina hauen diseinu eta teknologia aurreratuek, eskuragarri dagoen aukera- eta osagai-sorta zabalekin batera, eragin nabarmena dute, batetik, energia-eraginkortasunean eta, bestetik, ura eta produktu kimikoak aurreztean; horrenbestez, murriztu egiten dira produkzio-kostuak eta handitu egiten da enpresaren ekoizteko ahalmena.
Erraz eta azkar instalatzen da, eta gainera, oso espazio gutxi behar da makina hauek erabili eta mantentze-lanak egiteko. Hori abantaila gakoa da beste gama batzuen aldean.
Errendimendu ezin hobea eta salneurri lehiakorra dituen makina bat behar duten profesionalentzat edo makina zurruna behar duten negozioetarako diseinatua, besteak beste, autozerbitzu-garbitegi edo itsasontzietarako.
Fagor Industrial zentrifugazio azkarreko garbigailuak (G faktorea = 300) ur kantitate handia erauzten dutelako eta zarata gutxi egiten dutelako nabarmentzen dira, baita bibraziorik gabe funtzionatzen dutelako ere.
Errendimendu altuko modeloek energia-kostu minimoa dute programazio adimendunari eta maiztasun-inbertsoreari esker. Makina hauek guztiz fidagarriak dira hodi-formako eraikuntza mardula eta iraupen luzeko osagaiak dituztelako.
Zentrifugazio altuko gamarik sofistikatuenen neurriko prestazioak dituzten garbigailuak. Gama hau bereziki diseinatu eta pentsatu da garbigailu sinple baten bila dabiltzan merkatu eta bezeroentzat.
Makina zurrunak dira, 200eko G faktorea dutenak. Modelo hauek bereziki nabarmentzen dira energetikoki eraginkorrak direlako eta ur eta detergente gutxi kontsumitzen dutelako.
Garbigailu hauek maiz erabiltzen dira arreta medikoa eta gizarte-arreta ematen duten zentroetan. Ezinbestekoak dira hondakin solidoak (gorotz- edo gorako-aztarnak, adibidez) dituzten izarak eta bestelako oihalak garbitzeko.
Garbiketarako produktu kimikoak sartu baino lehen, garbigailuak urberritu egiten du arropa tenperatura baxuan eta ur kantitate maximoarekin eragiten du behin eta berriz, modu horretan hondakin solidoak izaretatik bereiz daitezen. 8 mm-ko Ø zuloei esker, elementu solido horiek erraz-erraz ateratzen dira danborretik, eta uretan geratzen dira. Ondoren, zuzenean doaz hustubidera upelaren goiko gainezkabidetik (3” handiagoa da orain gainezkabidearen tamaina, prozesua hobetu eta buxadurak ekiditeko).
Garbigailu hauek maiz erabiltzen dira arreta medikoa eta gizarte-arreta ematen duten zentroetan. Ezinbestekoak dira hondakin solidoak (gorotz- edo gonbito-hondarrak, adibidez) dituzten izarak eta bestelako oihalak garbitzeko.
Garbiketarako produktu kimikoak sartu baino lehen, garbigailuak urberritu egiten du arropa tenperatura baxuan eta ur kantitate maximoarekin eragiten du behin eta berriz, modu horretan hondakin solidoak izaretatik bereiz daitezen. 8 mm-ko Ø zuloei esker, elementu solido horiek erraz-erraz ateratzen dira danborretik, eta uretan geratzen dira. Ondoren, zuzenean doaz hustubidera upelaren goiko gainezkabidetik (3” handiagoa da orain gainezkabidearen tamaina, prozesua hobetu eta buxadurak ekiditeko).
